1. Dátuábyrgdari
Sp/F Rokn er dátuábyrgdari fyri viðgerðini av tínum persónsupplýsingum:
Sp/F Rokn í Svanga 31 100 Tórshavn V-tal: 686042 Teldupostur: rokn@rokn.fo
Vit viðgera tínar upplýsingar í samsvari við dátuverndarlógina. Vit savna ikki fleiri upplýsingar, enn neyðugt er fyri at veita vøruna og reka kontu tína.
2. Nær savna vit upplýsingar um teg
Vit savna upplýsingar um teg, tá tú:
- stovnar eina kontu á Rokn.fo
- stovnar eina fyritøku og gert eina ársfrásøgn ella ein skattaroknskap
- gert eitt keyp
- setur teg í samband við okkum við telduposti
- nýtir heimasíðu okkara
3. Hvørjar upplýsingar vit viðgera
Kontuupplýsingar: navn títt, teldupostadressa tín og loyniorð títt (verður goymt bronglað).
Fyritøkuupplýsingar: navn fyritøkunnar, skrásetingarnummar, V-tal, bústaður, roknskapartíðarskeið og tey tøl, tú tastar inn. Roknskapartøl eru fyritøkudátur og ikki persónsupplýsingar — men nøvn á stjórum og nevndarlimum, sum standa í ársfrásøgnini, eru persónsupplýsingar, og vit viðgera tey sum so.
Gjaldsupplýsingar: kortupplýsingar tínar verða einans viðgjørdar hjá gjaldsveitara okkara. Rokn.fo sær, viðger og goymir ikki kortdátur. Vit goyma kvittanarupplýsingar um keyp tíni (upphædd, dagfesting og vøru).
Tekniskar upplýsingar: vanligar loggdátur í sambandi við raksturin, til dømis nær tú ritar inn.
4. Endamál og viðgerðargrundarlag
Vit viðgera tínar upplýsingar fyri at:
- veita vøruna — stovna kontu tína, goyma arbeiði títt og gera fílur tínar (grundarlag: uppfylling av avtaluni við teg, sbr. § 8 í dátuverndarlógini)
- lúka lógarkrøv — goyma keyps- og gjaldsupplýsingar sambært bókhaldslógini (grundarlag: skylda sambært lóg)
- reka og tryggja skipanina — feilrætting, trygd og betran av tænastuni (grundarlag: løgligur áhugi)
Vit brúka ikki tínar upplýsingar til marknaðarførslu uttan samtykki frá tær, og vit taka ongar sjálvvirkandi avgerðir um teg.
5. Gjalding
Tá tú rindar á Rokn.fo, verður tú beind/ur yvir á eina trygga gjaldssíðu hjá gjaldsveitara okkara, har kortupplýsingarnar verða tastaðar inn bronglað. Gjaldingin verður viðgjørd av QuickPay (gjaldsgátt) og Clearhaus (kortinnloysara). Rokn.fo fær ongantíð atgongd til kortupplýsingar tínar.
6. Hvussu leingi goyma vit tínar upplýsingar
- Keyps- og gjaldsupplýsingar: í upp til 5 ár eftir lok á tí roknskaparári, keypið hoyrir til, sambært bókhaldslógini.
- Kontuupplýsingar, fyritøkudátur og gjørdar fílur: so leingi kontan er virkin.
- Teldupostar: so leingi tað er neyðugt fyri at viðgera fyrispurningin.
Strikar tú kontu tína, strika vit tínar upplýsingar, uttan so at lógin krevur, at vit goyma tær longur.
7. Undirveitarar
Hesir veitarar viðgera upplýsingar okkara vegna sum liður í rakstrinum av Rokn.fo:
| Veitari | Uppgáva | Staðseting |
|---|---|---|
| Hetzner | Hýsing av app.rokn.fo | ES (Finnland) |
| Simply.com | Hýsing av rokn.fo | ES (Danmark) |
| QuickPay | Gjaldsgátt | ES (Danmark) |
| Clearhaus | Kortinnloysari | ES (Danmark) |
| Google Analytics | Hagtøl (bert við samtykki) | ES/USA |
Vit gera dátuviðgerðaravtalur við veitarar okkara og samstarva einans við veitarar, ið lúka galdandi dátuverndarkrøv. Google Analytics kann hava við sær, at upplýsingar verða viðgjørdar í USA; tað hendir bert við tínum samtykki og sambært galdandi dátuverndarreglum. Listin verður dagførdur, um broytingar henda.
8. Víðarigeving av upplýsingum
Vit geva ikki tínar upplýsingar víðari til triðjapart, uttan so at vit hava skyldu til tað sambært lóg ella eftir kravi frá almennum myndugleika.
Legg til merkis, at Rokn.fo ikki letur fílur ella upplýsingar tínar inn til myndugleikarnar. Tú tekur sjálvur fílurnar niður og letur tær sjálvur inn. Tí verða ongar dátur fluttar frá Rokn.fo til Skráseting Føroya ella TAKS.
9. Soleiðis verja vit tínar upplýsingar
Sambandið við Rokn.fo er bronglað (SSL), loyniorð verða goymd bronglað, og atgongd til upplýsingar er avmarkað til tað, ið er neyðugt fyri raksturin. Vit hava sett teknisk og skipanarlig trygdarátøk í verk, ið verja tínar upplýsingar móti óheimilaðari atgongd, missi og misnýtslu.
10. Tíni rættindi
Sambært dátuverndarlógini hevur tú rætt til at:
- fáa innlit í tær upplýsingar, vit viðgera um teg
- fáa skeivar ella ófullfíggjaðar upplýsingar rættaðar
- fáa upplýsingar strikaðar, sum vit ikki longur hava grundarlag fyri at goyma
- fáa viðgerðina avmarkaða í ávísum førum
- fáa tínar upplýsingar útflýggjaðar í einum vanligum formati (dátuflutningur)
- mótmæla viðgerðini
- taka samtykki títt aftur, um viðgerðin byggir á samtykki
Ynskir tú at nýta tíni rættindi, kanst tú skriva til rokn@rokn.fo. Vit svara innan 3 gerandisdagar.
11. Klagumøguleiki
Heldur tú, at vit ikki viðgera tínar upplýsingar rætt, hoyra vit fegin frá tær fyrst á rokn@rokn.fo.
Tú hevur eisini rætt til at klaga til Dátueftirlitið:
Dátueftirlitið Teldupostur: dat@dat.fo Telefon: +298 30 91 00
12. Kennifílur (cookies)
Rokn.fo brúkar neyðugar kennifílur (cookies), fyri at heimasíðan og appin kunnu virka — til dømis til innritan og trygd. Neyðugar kennifílur krevja ikki samtykki.
Harumframt brúka vit kennifílur til hagtøl (Google Analytics), sum hjálpa okkum at skilja, hvussu heimasíðan verður brúkt, so vit kunnu betra um hana. Hagtalskennifílur verða bert settar, um tú góðtekur tær, tá tú vitjar síðuna. Tú kanst frítt siga nei — heimasíðan virkar á sama hátt, hvat tú so velur — og tú kanst altíð broyta ella taka samtykki títt aftur.
13. Broytingar av politikkinum
Vit dagføra henda politikkin, tá tað er neyðugt. Tann galdandi útgávan er altíð tøk á Rokn.fo. Við týðandi broytingum kunna vit teg við eini sjónligari fráboðan á heimasíðuni.
Hesin politikkur er galdandi frá 31.07.2026.
